ستاسو د سخاوتمندۍ او همکارۍ په برکت، د بېوزلو او اړمنو کورنیو لاسنیوی وکړي
د روژې د مبارکې میاشتې په مناسبت د ښکلا خیریه بنسټ وتوانېد، چې د الله تعالی په فضل او ستاسو د سخاوتمندۍ او همکارۍ په برکت، د بېوزلو او اړمنو کورنیو لاسنیوی وکړي او د هغوی لپاره د مرستې لاس وغځوي.
ستاسو د ارزښتناکو مرستو په برکت مو د خوراکي توکو بستې چمتو کړې او پر مستحقو کورنیو مو وویشلې، تر څو هغوی هم وکولای شي چې د روژې مبارکه میاشت په ارام، عزت او ډاډ سره تېره کړي. دا مرستې نه یوازې د هغوی د اړتیاوو پوره کولو سبب شوې، بلکې د امید، مینې او ورورولۍ پیغام یې هم ورساوه.
موږ د زړه له کومې مننه او قدرداني کوو د بهر مېشتو افغانانودنړیوالی شورا او د افغانستان د بیا رغونې د ملي او نړیوال لوی بنسټ له مشر ښاغلي در محمد آشنا او د هغه له درنې کورنۍ څخه، چې په دې نیک کار کې یې خپلې ارزښتناکې مرستې وکړې. ستاسو ملاتړ زموږ لپاره د هڅونې او ویاړ ځای دی.
همدارنګه له هغو ټولو درنو دوستانو او خیر غوښتونکو څخه ځانګړې مننه کوو چې پدې خیریه نوښت کې یې برخه واخیسته او د اړمنو کورنیو لاسنیوی یې وکړ. ستاسو هره مرسته د یوې کورنۍ د خوښۍ، دعا او موسکا سبب شوه، او بېشکه چې ستاسو دا نېک عمل به د الله تعالی په دربار کې د اجر او ثواب وسیله وګرځي.
الله تعالی دې ستاسو مرستې، سخاوت او نیک نیتونه قبول کړي، شتمني او برکت دې درکړي، او موږ ټولو ته دې توفیق راکړي چې تل د خپلو اړمنو وروڼو او خویندو تر څنګ ودرېږو.
Your support helps us assist poor families, orphans, patients, and the unemployed. Together we can promote a culture of cooperation, compassion, and humanity.
